बच्चे का बदला करकै , चला छाज मै लड़की धरके
पाह डर डर कै धरता न्यू करता मथुरा की तयारी ... मथुरा की तयारी
तरह तरह के, वासुदेव के , मन मै उठै विचार
रास्ता दिखै नहीं ,अँधेरा हो रह्या बेशुमार हा.. २
कदे पहरेदार जाग जा, फेर कंश नै पता लाग जा
त्याग जा प्राण एक क्षण मै न्यू मन मैं डर जा दुखियारी। ..... कृष्ण मुरारी
बच्चे का बदला करकै , चला छाज मै लड़की धरके
पाह डर डर कै धरता न्यू करता मथुरा की तयारी ... मथुरा की तयारी
पता नहीं भगवान हवा जनै, चलै कोनसे रुख मै
मुश्किल बचनी जान दिखती, साँप मोर के मुख़ मै हा.. २
मेरी दुःख मै घिट्टी घुट गी, सब ऐश अमीरी छूठ गी
लूटगी सारी ही माया यू काया न्यू ही दुःख पा री ..... कृष्ण मुरारी
बच्चे का बदला करकै , चला छाज मै लड़की धरके
पाह डर डर कै धरता न्यू करता मथुरा की तयारी ... मथुरा की तयारी
बेरा ना क्या होने वाला, हो गी बात नयी
तेरे हाथ बात भगवान जान मेरी, फंदे मै फई हा.. २
लई लड़की दे कै लड़का,मेरा हुया कालजा धड़का
तड़का पहर का रह रा न्यू सह रा दुःख क्षत्र-धारी ..... कृष्ण मुरारी
बच्चे का बदला करकै , चला छाज मै लड़की धरके
पाह डर डर कै धरता न्यू करता मथुरा की तयारी ... मथुरा की तयारी
भूखा प्यासा मरा देहि मै, वासुदेव कै दम ना
भाग दौड़ कै जल्दी आया मौत समझ लिया थम-ना हा.. २
फेर जमना पार उतरग्या, कोय जोश गात मै भरग्या
करग्या न्यू रघुनाथ कमाल चाल नए रंग की लहतारी ..... कृष्ण मुरारी
बच्चे का बदला करकै , चला छाज मै लड़की धरके
पाह डर डर कै धरता न्यू करता मथुरा की तयारी ... मथुरा की तयारी
Comments
Post a Comment