हीरे जाने वाली रुक जाइये जरा
खता क्या है मेरी बताइये जरा
हीरे तू तो चाल पड़ी बैठ कै ने डोले मै
रांझा तो लूट लिया तनै दिन धोले मै
चुन्नी और चोले मै सरमाइये जरा
खता क्या है मेरी बताइये जरा
तेरे प्यार मै मर जाऊ रो रो कै
जाती हो तो जिंदगी नै दिखा दूंगा खो कै
एक बेर मेरे धोरे होके जाइये जरा
खता क्या है मेरी बताइये जरा
तेरे इश्क़ में मै फिरू मारा मारा
तेरे लिए छोड़ा री मैंने तख्त हजारा
लेके नै दुधारा गल पै चलाइये जरा
खता क्या है मेरी बताइये जरा
कह बुंदू मीर यो कैसा छंद सै
छोड़ कै फ़कीरी ले ले ऐश आनंद सै
जनम मरण का सम्बन्ध इसने निभाइये जरा
खता क्या है मेरी बताइये जरा
Comments
Post a Comment