मतना जनम लिये कान्हा

 मतना  जनम लिये कान्हा जग हसी उड़ावे गा
यहाँ डी जे बाजे मुरली की धुन किसने बता सुनावै गा
 
पग पग पै चीर हरण हो बता कितने चीर बढ़ावेगा-२
घर घर मै महाभारत सै किसने उपदेश सुनावेगा -2
अत्याचार बढ़ा इतना औ-२ तू देख देख शरमावेगा
यहाँ डी जे बाजे ………….
 
स्वारथ के मिलै सुदामा कैसे टोटा दूर भगावेगा
सबनै धन चाहिये स बता कितने बैंक खुलावेगा -2
बहुत मिलै मतलब के नरसी औ-२ कितने भात भरावेगा
यहाँ डी जे बाजे ……………
 
घर घर मै  डॉग पालते बता किसकी गाय चरावेगा
यहाँ चाय कॉफी का पीना सै कान्हा किसके मक्खन खावेगा-२
तन्नै साग विदुर का नहीं मिलै तू भूखा ही रह जावेगा
यहाँ डी जे बाजे …………..
 
कलयुग मै जनम लिया तो तू बहुत घणा पछतावेगा 
अरे राधा रुक्मण मीरा कलयुग मै कहाँ सै लावेगा
भीमसैन तेरा भजन लिखे यो रामौतार ही गावेगा
यहाँ डी जे बाजे………………