काला काला करे गुजरी

 काला काला करे गुजरी
मत काले का जिक्र करै
काले रंग पे मोरनी रुदन करै

मोटे मोटे नैन राधा के
इसमें यो सुरमा अजब सजै
काले रंग पे मोरनी रुदन करै

लाम्बे लाम्बे केश राधा के
जिसमें या मांग सिंदूर भरै
काले रंग पे मोरनी रुदन करै

लाम्बे लाम्बे पंख मोर के
जिसका सिर पर मुकुट सजै
काले रंग पे मोरनी रुदन करै
काला काला करे गुजरी
 
हरे हरे बासां की हरी मुरलिया
जिसका खोया जग फिरै
काले रंग पे मोरनी रुदन करै
काला काला मेरा सांवरिया
जिसकी सुरतिया मन मै बसै
 
काले हो ठवादे मन्ने मटकी
ठावादे मन्ने मटकी मै जानू तेरे घट की
 
जमना जी पै नीर भरु थी
लागी हो कमर मै झटकी
 
मीराबाई भजन करे थी
लागी हो प्रेम की खटकी